| Молитва к Вере, Надежде, Любови и матери их Софии


 

Вера, Надежда, Любовь и мать их София

 

  Вера, Надежда, Любовь и мать их София – являются святыми мученицами, которые в свою очередь, жили в Риме во втором веке и которые были казнены за христианскую веру императором Адрианом. Молитва Святым мученицам Вере, Надежде, Любови и матери их Софии дарует каждому из нас мудрость, весьма помогает укрепить в сердце веру, надежду и любовь - три основные и главные христианские добродетели, придаёт невероятной силы, чтобы преодолеть всяческие жизненные трудности.


День памяти Веры, Надежды, Любови и матери их Софии празднуется 30 сентября непосредственно по новому стилю (17 сентября по старому стилю).

Молитва святым великомученицам Вере, Надежде, Любови и матери их Софии

"О святыя и достохвальнии мученицы Веро, Надеждо и Любы, и доблестных дщерей мудрая мати Софие, к вам ныне притецем со усердною молитвою; что бо паче возможет предстательствовати за ны пред Господем, аще не вера, надежда и любы, три сия краеугольныя добродетели, в нихже образ нареченныя, самою вещию тыя явисте! Умолите Господа, да в скорбех и напастех неизреченною благодатию Своею покрыет ны, спасет и сохранит, яко благ есть и Человеколюбец. Того славу, яко солнце незаходимое, ныне зряще светолепну, споспешествуйте, нам во смиренных молениих наших, да простит Господь Бог грехи и беззакония наша, и да помилует нас грешных и недостойных щедрот Его ради. Молите убо о нас, святыя мученицы, Господа нашего Иисуса Христа, Емуже славу возсылаем со Безначальным Его Отцем и Пресвятым и Благим и Животворящим Его Духом, ныне и присно и во веки веков. Аминь".


Вторая молитва Вере, Надежде, Любови

"Вас, святыя мученицы, Веро, Надеждо и Любы, славим, величаем и ублажаем, купно с мудрою материю Софиею, ейже покланяемся, яко образ богомудраго попечения являющей. Умоли, святая Веро, Творца видимых и невидимых, да веру крепку, неблазненну и нерушиму подаст нам. Ходатайствуй, святая Надеждо, пред Господом Иисусом за нас грешных, да упование на благая Своя не отженет от нас, и от всякия скорби и нужды да избавит ны. Исповеждь, святая Любы, Духу истины, Утешителю, напасти и печали наша, да Той свыше сладость небесную низпослет душам нашим. Помозите убо в бедах наших, святыя мученицы, и, купно с мудрою материю вашею Софиею, молите Господа Бога, да сохранит под покровом Своим Церковь Свою Святую. Такожде и о всех нас вашего теплаго предстательства пред Богом усердно молим, да купно с вами и со всеми святыми превознесем и препославим пресвятое и великое имя Отца и Сына и Святаго Духа Бога, предвечнаго Владыки и благих Содетеля, ныне и присно и во веки веков. Аминь".


Третья молитва мученицам Вере, Надежде, Любови и матери их Софии

"О святыя мученицы Веро, Надеждо и Любы, и мудрая мати Софие! К вам ныне со усердною молитвою притекаем. Умолите убо Господа, да в скорбех и напастех неизреченною благодатию Своею покрыет ны, раб Своих (имена), и сохранит, и Того славу, яко солнце незаходимое, зрети да сподобит. Споспешествуйте нам во смиренных молениих наших, да простит Господь Бог грехи и беззакония наша, и да помилует нас, грешных, и щедрот Своих да сподобит нас Христос Бог, Емуже славу возсылаем, со Безначальным Его Отцем, и Пресвятым и Благим и Животворящим Его Духом, ныне и присно и во веки веков".